Prishtinë, 28 qershor - Ambasadori i Republikës së Francës në Kosovë, Zhan Frasoa Fitu ka thenë sot se afaristët e Kosovës janë shumë të rëndësishëm për të ardhmen e Kosovës.
 
Duke folur ne Kuvendin e Odës Ekonomike të Kosovës, ambasadori Fitu ka theksua se duhet edhe më tej te perfeksionohet korniza politike dhe diplomatike e Kosovës, pasi që Kosova është vend i ri, nuk është i njihur nga të gjithë fqinjët dhe se ka një rrugë të gjatë për anëtarësimin ne Unionin Evropian.
 
“Çështja e dyte është politike dhe ka te beje me përmirësimin e qeverisjes brenda kufijve te Kosovës, ajo që për ju quhet mjedisi afarist,   pra ka te beje me sundimin e ligjit, ka te beje me stabilitetin e legjislacionit ka te beje me transparencën, ka te beje me llogaridhënien unë mend j se kjo ka te beje e kredibilitetin global  te institucioneve”, tha ambasadori Fitu .
 
Ai theksoi se afaristët kanë të drejtë të kërkojnë kornizë institucionale “qe te zhvilloni idetë tuaja afariste. Kjo është e rëndësishme për ju, është e rëndësishme për çdo qytetar te Kosovës eshte per imazhin e vendit, për imazhin brenda BE-se imazhin ne përgjithësi dhe imazhin për vet qytetaret e Kosovës  dhe posaçërisht për investitorët”, tha ambasadori Fitu.
 
Kryetari i OEK-ut, Safet Gërxhaliu tha se afaristët e Kosovës janë herojtë e pas luftës.
 
“ Puna juaj është e shenjte sepse është e pamundur te mendohet se Kosova do te arrij qëllimin e vete drejt stabilitetit politik pa zhvillim ekonomik prandaj si OEK ju falënderojmë për tere këtë qe bëni qe Kosova ka arrit ne këtë moment, tha Gërxhaliu.
 
“ Jemi te vetëdijshëm qe ballafaqohemi me sfida te shumta, jemi te vetëdijshëm qe na presin edhe detyra shume te mëdha drejt ardhmërisë. Jam i vetëdijshëm se dialogu partneriteti dhe komunikimi  dhe bartja e përvojave nga jashtë do te jete rruga e suksesit qe duhet ta zgjedhim”, tha kryetari i Odës .
 
Ai tha se është e vërtet se ne momente te caktuar respekti i tepruar ndaj qarqeve te caktuar kalon ne nënçmim dhe po e bien OEK-un ne pozite te vështirë.
 
“ Por duhet te kuptohet se OEK-u është zë i biznesit  dhe ne këtë drejtim do te aplaudojme gjithmonë karshi qeverise kur ka hapa pozitiv e të mire po e kemi edhe obligim moral se aty ku ka hapësirë për reagim te reagoje dhe me kritike pragmatike dhe argumentuese ta ngrisim zërin tonë. Nuk dëshirojmë qe OEK-u te shëndrrohet ne parti politike dhe këtë besoj qe nuk e dyshoni edhe ju, por jam i vetëdijshëm qe partneriteti  është i nevojshëm por ne baza reciproke”, tha ai.