Fillon transporti i mallrave me tren Kinë-Azi Qendrore
Pritet që treni i mallrave të kalojë në krahinat Shijiazhuang, Taiyuan dhe Urumçi të Kinës dhe përmes pikës së kalimit kufitar Horgos të hyjë në Kazakistan dhe prej këtu të vazhdojë udhëtimin me ndalesa në Almati dhe Çimkent deri në stacionin e fundit, që do të jetë kryeqyteti Tashkent i Uzbekistanit.
Distancën prej 5 mijë kilometra të gjatë treni do ta bëjë për 8 ditë dhe parashikohet që deri në fundjavë të mbërrijë në Tashkent.
Vitet e fundit vëllimi tregtar ndërmjet vendeve të rajonit (Azisë Qendrore) dhe Kinës, e cila renditet në krye të listës së ortakëve tregtarë të këtyre vendeve, po shënon një rritje të shpejt. Prodhimet kineze zënë një pjesë të rëndësishme të mallrave që shiten në tregjet e vendeve të Azisë Qendrore.
