Bruksel, 18 korrik - Niveli i inflacionit në Eurozonë në muajin qershor qëndroi në 2.4%, ashtu si edhe një muaj më parë. Të dhënat janë publikuar nga Eurostati më 16 korrik.

Në vendet anëtare të BE-së, Suedia ka ruajtur nivelin më të ulët, me 0.9%, ndërsa Hungaria shënoi nivelin më të lartë me 5.6%.

Faktorët që ndikojnë ngritjen e nivelit të inflacionit në Eurozonë janë kryesisht pijet alkoolike, duhani, transporti, ndërsa në telekomunikacion, arsim dhe argëtim ka patur rënie, çka ka kufizuar rritjen e mëtejshme të inflacionit.