Eksportet nga ShBA-ja në Kinë janë rritur me 225 për qind
Kina është bërë tashmë destinacioni i eksporteve amerikane me rritjen më të shpejtë.
Sipas raportit \"Eksportet e ShBA-së në Kinë 2004-2013\" të publikuar nga Këshilli i Biznesit ShBA-Kinë, vjet vëllimi i përgjithshëm i eksporteve nga ShBA-ja në Kinë arriti 120 miliardë dollarë amerikanë.
Kina vijon të jetë kështu tregu i tretë më i madh i eksporteve amerikane.
Sipas raportit, popullsia shumë e madhe, zgjerimi i mëtejshëm i shtresës së mesme dhe projektet e shumta në ndërtimin e infrastrukturës do të bëjnë që Kina të vazhdojë të jetë treg kryesor për eksportin e mallrave dhe shërbimeve nga ShBA-ja.
Por raporti vë në dukje njëkohësisht se hapësira për zhvillim është ende e madhe, prandaj institucionet përkatëse të ShBA-së duhet të ndihmojnë për krijimin e një mjedisi më të mirë për kompanitë amerikane.
