Prishtinë, 6 mars - Zëvendës ambasadorja amerikane në Prishtinë, Jennifer Bachus tha se Shtetet e Bashkuara do të mbështesin zhvillimin ekonomik të Kosovës, por bëri thirrje për luftë më të fuqishme kundër korrupsionit, i cili sipas saj po e pengon zhvillimin.

Gjatë një diskutimi të qeverisë së Kosovës me komunitetin e donatorëve, ku u shpalosën synimet për rimëkëmbje ekonomike, ajo tha se duke e luftuar korrupsionin Kosova do të tërheq investime, do të krijojë vende të reja pune dhe do të parandalojë migrimin e fuqisë punëtore.