Prishtinë, 12 mars - Dogana e Republikës së Kosovës ka bërë të ditur se në vazhdën e aktiviteteve për luftimin e kontrabandës, gjatë javës së kaluar zyrtarët doganor kanë ndërmarr një mori aktivitetesh në të gjithë territorin e Kosovës. 

Adriatik Stavileci zëdhënës i Doganës ka thënë se dogana ka rritur numrin e kontrolleve fizike ndaj  automjeteve, mallrave dhe personave.

Gjatë kësaj kohe sipas tij janë ushtruar 507 aktivitete në tërësi duke filluar nga kontrollimet si dhe deri tek patrullimet.

Stavileci ka theksuar se rritja e kontrolleve dhe patrullimeve ka rezultuar me 18 kundërvajtje si të personave fizik po ashtu edhe të subjekteve juridike.

"Këto aktivitete kanë rezultuar me zbulimin e 18 rasteve mallrave të dyshimta kontrabandë, kryesisht pije alkoolike dhe jo-alkoolike, ushqime të gatshme dhe teknikë të ndryshme, vlera e të cilave është 25.000 Euro."

"Gjithashtu siç e parashohin dispozitat relevante ligjore, është aplikuar masa e sekuestrimit të automjeteve transportuese në sasi prej 2 copë", ka thënë Stavileci.