Prishtinë 16 nëntor - Dogana e Kosovës ka bërë të ditur se gjatë muajit nëntor ‘16 ka vazhduar aktivitetin ne terren me qëllim kontrollin e subjekteve që operojnë me lojëra fati.

Adriatik Stavileci zëdhënës i Doganave ka thënë së gjatë nëntorit janë kryer kontrolle në disa lokacione të Kosovës.

\"Në fokus të kontrollit kanë qenë qyteti i Prishtinës, Prizrenit dhe Podujevës. Si rezultat i këtyre kontrolleve janë hasur duke ushtruar veprimtari pa licence dymbëdhjetë (12) pika basti për te cilat janë lëshuar gjoba në shumë prej 20,160.00 €.\"

\"Gjithashtu janë sekuestruar 11 aparate të pa licencuar që dyshohet se janë të kontrabanduar, pasi që palët nuk kanë arritur të prezantojnë ndonjë dokumentacion lidhur me prejardhjen e tyre\", ka theksuar Stavileci.

Gjatë kontrolleve në terren sipas tij janë hasur duke operuar edhe lojëra të ndaluara me ligj në Republikën e Kosovës si Keno dhe Racing Dogs me ç‘rast janë sekuestruar 9 pajisje përmes të cilave është zhvilluar ky aktivitet.

Aksionet e muajit nëntor tregojnë qartazi përkushtimin e Doganës që përmes kontrolleve dhe aktiviteteve tjera hetimore ka arritur të vendos kontroll të rreptë në tërë territorin e Kosovës derisa raporti i këtij viti tregon se Dogana deri tani ka sekuestruar pajisje si; 227 aparate te pa licencuar, 165 pajisje për lojëra Keno dhe Racing Dogs dhe 126 pika basti të pa licencuara.

Shuma e gjobave të shqiptuara arrin në 312.792.60 € kurse vlera e aparateve të sekuestruar llogaritet të jetë mbi 500.000.00 €

Stavielci ka theksuar se Menaxhmenti i Doganës së Kosovës është i vendosur  në luftimin dhe hetimin e të gjitha rasteve të kontrabandës, korrupsionit dhe dukurive të tjera negative, prandaj edhe kërkojmë nga qytetarët që të thërrasin pasi duke ndihmuar doganën ndihmojnë në zhvillimin e vendit dhe krijimin e një të ardhme më të sigurt. 

Numrat për thirrje janë 0800 50 095 (pa pagesë), me mesazhe përmes 50 095 (pa pagesë) ose përmes postës elektronike në  [email protected].