Gjenevë, 2 nëntor - Shtëpia Christie\'s do të shesë më 12 nëntor në një ankand në Gjenevë diamantin më të madh portokalli në botë për një çmim midis 14 dhe 16 milionë eurove.

\"Është një gur i çmuar i jashtëzakonshëm, është vërtetë i gjallë, ka një ngjyrë veçanërisht të theksuar dhe kap dritën nga të gjitha këndet e saj\", u shpreh eksperti, Jean-Marc Lunel përgjegjës për sektorin e bizhuterive në shtëpinë e ankandeve\"Christie\'s\" në Gjenevë.

Diamanti do të jetë më i shtrenjti i shitjeve tradicionale të bizhuterive të shtrenjta të organizuara nga \"Christie\'s\" në nëntor në Gjenevë.

Shitja do të organizohet në prag të ankandit të shtëpisë konkurrente \"Sotheby\'s\", e cila do të shesë më 13 nëntor, diamantin rozë më të madh në botë për një çmim prej 48,7 milionë eurosh.

Diamanti portokalli peshon 14,82 karatë dhe përmasat e tij i afrohen atyre të një bajameje të madhe.