28 Mars 2024

Çmimet e naftës rritën në 109,70 dollarë për fuçi

New York, 4 maj - Çmimet e naftës u rritën në 109,70 dollarë për fuçi sot pasi shefja i Komisionit Evropian propozoi embargo të naftës ndaj Rusisë.

Standardi ndërkombëtar i naftës së papërpunuar Brent kushtoi 108,63 dollarë për fuçi në orën 14:00 GMT, një rritje prej 3,49 për qind pas mbylljes së seancës së mëparshme me 104,97 dollarë për fuçi.

Standardi amerikan West Texas Intermediate (WTI) u tregtua me 106,14 dollarë për fuçi në të njëjtën kohë, me një rritje prej 3,64 për qind pasi seanca e mëparshme u mbyll me 102,41 dollarë fuçi.

Komisioni Evropian propozoi “ndalim të plotë të importit për gjithë naftën ruse në det dhe tubacione, të papërpunuar dhe të rafinuar”, tha presidentja e Komisionit Evropian Ursula von der Leyen gjatë seancës plenare të Parlamentit Evropian në Francë.

Pas miratimit, ndalimi i naftës së papërpunuar do të hynte në fuqi gjashtë muaj më vonë dhe do të ndalonte produktet e rafinuara të naftës deri në fund të vitit.

BE-ja importoi rreth 30 për qind të naftës së papërpunuar ruse në vitin 2021, sipas Agjencisë Ndërkombëtare të Energjisë (IEA). Brenda Bashkimit Evropian, Gjermania blen pjesën më të madhe të naftës ruse, me 555.000 fuçi në ditë në vitin 2021, sipas IEA.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)