Prishtinë, 13 mars - Agjencia e Statistikave të Kosovës (ASK) ka publikuar “Indeksin e Harmonizuar të Çmimeve të Konsumit (IHÇK) për muajin shkurt 2015.

Indeksi i Harmonizuar i Çmimeve të Konsumit në Kosovë është më i lartë për 0.3% në muajin shkurt 2015 krahasuar me muajin janar 2015.

Shkalla e inflacionit e matur në muajin shkurt 2015 me muajin shkurt 2014 ishte (- 0.3%).

Indeksi i Harmonizuar i Çmimeve të Konsumit në Kosovë është më i lartë për 0.3% në muajin shkurt 2015 krahasuar me muajin janar 2015. Ngritje e Indeksit të Harmonizuar të Çmimeve të Konsumit vërehet te nëngrupet: pemë për 5.3%, perime për 8.8% dhe përdorim të pajisjeve për transportin personal (naftë dhe benzinë) për 0.9%. Këto grupe të konsumit ndikuan në ngritjen e indeksit total për 0.6 për qind.

Ngritja u neutralizua kryesisht nga rënia e Indeksit të Harmonizuar të Çmimeve të Konsumit te nëngrupet: qumësht, djath dhe vezë për (-3.3%) me një ndikim prej (-0.3 %).

Indeksi i Harmonizuar i Çmimeve të Konsumit në Kosovë pësoi rënie për (-0.3%) në muajin shkurt 2015 krahasuar muajin shkurt 2014. Rënie e Indeksit të Harmonizuar të Çmimeve të Konsumit në këtë periudhë është vërejtur te nëngrupet: qumësht, djath dhe vezë për (-0.9%); përdorim të pajisjeve për transport personal (naftë dhe benzinë) për (-14.6%); arsim i lartë  për (-28.1%); si dhe shërbime dhe strehim të studentëve për (-15.8%) me një ndikim të përbashkët të këtyre nëngrupeve prej (-1.8) për qind në IHÇK.

Rënia kryesisht u neutralizua me ngritjen e Indeksit të Harmonizuar të Çmimeve të Konsumit të nëngrupet: bukë dhe drithëra për 1.0%, mish 0.8%, pemë 9.7%, perime 13.9%, duhan 2.7% dhe  rrym, gaz dhe lëndë djegëse të tjera për 7.4%, me një ndikim të përbashkët të këtyre nëngrupeve prej 1.5 për qind në IHÇK.