Frankfurt, 31 korrik - Bursat evropiane janë hapur në rritje të fuqishme edhe në sesionin e parë për këtë javë, duke zgjeruar fitimet e javës së kaluar.

Në tregjet ekziston ende euforia dhe optimizmi se Banka Qendore Evropiane dhe Rezerva Federale në SHBA do të ndërhyjnë për të mbështetur rimëkëmbjen ekonomike.

Indeksi pan-Europian FTSEurofirst 300 është në rritje me rreth 1% dhe investitorët dhe analistët në tregje shprehen se në takimet e përmuajshme, bankat qendrore në SHBA dhe Europë do të ndërmarrin masa shtesë për të ofruar stabilitet në tregje dhe për të ulur koston e huamarrjes të vendeve të Eurozonës.

Sipas të dhënave të publikuara të Premten në Shtetet e Bashkuara, aplikimet për përfitimin e asistencës së papunësisë shënuan rënie me 35 mijë njësi, duke rënë në nivelin më të ulët në 4 vitet e fundit.