Tokio, 19 mars - Aksionet aziatike janë lëkundur pranë majave 17 mujore, të bazuara kryesisht në optimizmin e investitorëve mbi sigurinë e normave të ulëta të interesit, dhe inflacionit të ulët që do të mbështesë tregjet monetare në terma afat shkurtra.

Në ditën e sotme fokusi i investitorëve do të jenë të dhënat ekonomike nga SHBA, ku pritet të zyrtarizohen çmimet konsumatore dhe papunësia.

Indeksi MSCI për Azi-Paqësorin pa Japoninë pothuajse nuk ndryshoi në këtë sesion. Në Japoni treguesi Nikkei ra 0.95 përqind ndërsa treguesi më i gjerë Topix ra 0.70 përqind. Në Korenë e jugut treguesi Kospi ra 0.46 përqind.

Në Australi indeksi ASX u rrit 0.20 përqind. Në Kinë treguesi SSEC ra 0.43 përqind dhe treguesi i Hong Kongut ra me 0.37 përqind.