Rio de Zhanerio, 15 shtator - Qeveria e re braziliane shpalli një sërë planesh privatizimi, duke synuar rigjallërimin e ekonomisë kombëtare.

Autoritetet braziliane planifikojnë të shesin katër aeroporte dhe dy porte detare. Në të njëjtën kohë, kompanive private u janë ofruar kontrata të rëndësishme, që përfshijnë projekte si ndërtimi i rrugëve, menaxhimi i objekteve minerare dhe i fushave naftëmbajtëse etj.

Këto plane do të vihen në zbatim në dy vjetët e ardhshëm dhe janë pjesë e nismës së presidentit Temer për rritjen e investimeve private në vend, përballë deficitit të madh dhe recesionit më të rëndë në Brazil në 80 vjetët e fundit.