Washington, 9 nëntor - Rritja e mundësive që Donald Trump mund të fitojë zgjedhjet, ka shkaktuar rënjen e aksioneve në të gjitha tregjet.

Tregjet globale të aksioneve dhe dollari amerikan kanë shkuar në rënie të lirë, pasi kandidati republikan për president të SHBA-së, Donald Trump, kryeson garën për Shtëpinë e Bardhë.

Aksionet e Tokios kanë rënë për gati 5 përqind më 9 nëntor, ndërsa indekset e Hong Kongut dhe Seulit për 3.3 përqind, respektivisht 2.8 përqind.

Indeksi Wall Street, ndërkaq, ka rënë për 3 përqind.

Dollari amerikan po ashtu ka rënë kundrejt jenit dhe euros.

Çmimet e naftës gjithashtu kanë rënë për më shumë se 4 përqind, në 43.17 dollarë për fuçi.

Shumica e tregjeve kanë favorizuar kandidaten demokrate, Hillary Clinton, përballë Trumpit, pasi investitorët i kanë parë politikat e saj si vazhdim i \"status quo\"-së që ka krijuar presidenti Barack Obam.

Edhe pezoja meksikane ra me 12 % përkundrejt dollarit, duke shënuar lëvizjen më të madhe brenda një dite në dy dekada. Analistët thonë se ka shumë panik për shkak të një rezultati që nuk pritej.