Prishtinë, 25 korrik - Agron Demi, analist në Institutin GAP shprehet se dy vite pasi ka marrë vendim për identifikimin e monopoleve (12 gusht 2015), javën e kaluar (17 korrik 2017) Qeveria ka marrë vendim sërish rreth monopoleve, duke e krijuar një komision ndërministror për të identifikuar monopolet.

\"Tash, ose qeveria nuk e din se çfarë vendimesh ka marr para dy vitesh, ose po e mer nje vendim sa per sy e faqe, bash në fund të mandatit. Pse është nevoja të kriohen komisione ndërministrore për këtë punë, kur kemi një agjenci e cila ka detyrim ligjor dhe fuqi për të identifikuar dhe dënuar rastet e monopoleve?\", ka thënë Demi.

\"Përse agjencia e konkurrencës tash e disa vite merret me mjedra, flokëtar e makiato, e nuk merr asnjë vendim për monopolin në homologim, për shembull?\", shtron dilemën Demi.