Washington, 23 korrik - Banka Botërore publikoi raportin mbi tregun e mallrave të paambalazhuara, ku thuhet se furnizimi tepër i madh dhe kërkesa e ulët pritet të shkaktojnë në gjashtmujorin e dytë uljen e çmimeve të mallrave të paambalazhuara.

Ndërsa, në vitin 2016 parashikohet një rritje e pakët e tyre.

Pavarësisht ndikimit pozitiv nga rritja e çmimit të naftës dhe energjisë në tremujorin e 2-të, me një rritje prej 12%, krahasuar me vitin e kaluar çmimi i energjisë në nivel global pritet të pësojë një rënie mesatare me afro 39%.

Sipas raportit, këtë vit, çmimi i naftës bruto do të ruhet në 57 dollarë për fuçi, 4 dollarë më shumë se parashikimi i muajit prill i BB-së.

Çmimi i gazit natyror parashikohet të ulet me 36%, 24% dhe 35% përkatësisht në tregjet e SHBA-së, Europës dhe Japonisë. Ndërsa çmimi qymyrgurit do të pësojë ulje me 17%.