Pekin, 24 tetor - Banka Popullore e Kinës, banka qendrore, injektoi të hënën 120 miliardë juanë (rreth 17.3 miliardë dollarë amerikanë) në treg nëpërmjet marrëveshjeve të riblerjes (REPO) për të rritur likuiditetin.

Banka Popullore e Kinës zhvilloi një repo 7-ditore me interes 2.5%, i cili ishte i pandryshuar nga norma për operacionin e mëparshëm prej 30 miliardë juanë të premten.

Sipas bankës, kjo është për të kompensuar ndikimin e pagesave të taksave dhe bonove qeveritare, si dhe për të mbajtur në një nivel të arsyeshëm likuiditetin e sistemit bankar.

Masa e re pritet të sigurojë më shumë para për kreditimin e sektorit privat.