Frankfurt, 22 tetor - Kompania gjermane e veturave “Audi” ka kumtuar se pas 20 viteve prani në tregun kinez, ka kaluar rekordin e një milion veturave të shitura.

Vetura e njëmiliontë iu është shitur një personi nga qyteti Çangçunu, ka bërë të ditur sot kompania gjermane.

“Kjo është një kthesë shumë e madhe në historinë e ‘Audisë” në Kinë’, ka deklaruar shefi i kompanisë, Rupert Stadler.

Ndërkohë që nga kompania shprehen optimist se njëmilionëshi tjetër i veturave të shitet brenda afatit prej 3 viteve, ndërsa drejtori i Audi-së në Kinë, Dietmar Vogenrajter, ka shprehur pritjet e tij se vitin e ardhshëm numri i veturave të shitura do të arrijë në 200 mijë.