Graçanicë, 1 qershor - Ishte premtuar se do të punësoheshin njëqindë veta në kompanitë që morrën pjesë në Graçanicë në “Berzën e Punësimit Kosova 2012″ me 29 maj.

Tashmë një e katërta e tyre (25) vetëm kanë nisur me punë nga sot në ETC- Elkos Group.  Një ditë pas përmbylljes së projektit  të inicuar dhe realizuar nga Aleanca Kosovare e Binzeseve  “Berza e Punësimit Kosova 2012″ u realizuan edhe punësimet e para.

Kjo u bë e mundur nga ETC- Elkos Group, e cila hapi zyrtarisht super marketing në këtë lokalitet të banuar me shumicë serbe dhe e cila mundësoi edhe plasimin e prodhimeve vendëse në Graçanicë. 

Përurimin e këtij evenitmenti e bëri kryetari i Aleancës Kosovare të Bizneseve, Agim Shahin, i cili tha se për herë të parë në Graçanicë përmes kompanisë së fuqishme Elkos Group, po ipet mundësia e ofrimit të konsumatorëve prodhimet vendëse.

Mision i AKB-së është promovimi i prodhimeve vendëse, zhvillimin ekonomik të Kosovës e në veçanti i sektorit privat, punësimi  e sivjet edhe integrimi i pakicave n kompanitë vendëse.

“Nga pesëdhjetë punonjësit e përzgjedhur nga projekti “Berza e Punësimit  Kosova 2012” në Graçanicë, kanë nisur  gjysma  e tyre punën këto ditë dhe të tjerët do të punësohen ditët në vazhdim, tha Shahini .

AKB-ja dhe Elkos Group, në rast po promovojnë ekonominë vendëse edhe në Graçanicë. Pos që këtij lokaliteti po i ofrojmë punësime, po i ofrojmë edhe prodhimet vendëse për konsum. Këto janë politika të mira  jo vetëm nga institucionet shtetërore, por edhe nga kompanitë private të cilat në këtë mision po bëhen çdo ditë e e më të fuqishme.

“Me këtë ne po tregojmë se kemi mundësi jo vetëm punësimi, por edhe integrimi në gjithë shtetin e Kosovës. Biznesi nuk njeh nacionalitet, ngjyrë e fe, por zhvillim dhe qëndrueshmëri dhe ky mision nuk do të ndalet me kaq, por do të vazhdoi edhe në të ardhmen”, tha kryetari i Aleancës së Bizneseve Agim Shahini.

Kreu i AKB-së  falënderoi ETC-në për punësim që është një mision i shenjtë dhe i uroj të punësuarëve  punë të mirë e të gjatë.

Sinqerisht Zyra për mardhënie me Publikun e AKB-së