Sa kushtoni
Gati të gjithë pushtetarët, pa dallime të madha,prej vitit 1999, me përjashtime shumë të rralla të ndonjë ministri “aksidental”, apo ndonjë zyrtari tjetër të lartë, (me moral të fortë), në kontinuitet, në çdo kabinet qeveritarë,por edhe në institucionet tjera të pas luftës e deri më tash, keqpërdorimet, abuzimet dhe keqmenaxhimi i parasë publike, ka qenë dhe është identifikuar si “specialiteti” në “meny”, i shumë preferuar i këtyre zyrtarëve.
Opinioni i gjerë kosovarë, por nganjëherë, edhe ai botëror, gjatë gjithë kësaj periudhe kohore, është njoftuar me informata jo të rralla, dhe jo të paargumentuara, për këto fenomene, te cilat, herë herë janë përmendur dhe prezantuar nëpër disa nga mediat që nuk kanë qenë nën kontroll, të këtyre qeverive, por edhe institucioneve tjera, edhe atë, me emra personash e individësh, që janë konkretizuar e zbërthyer, edhe me raste shumë specifike të këtyre abuzimeve, por fatkeqësisht, pas një apo disa ditësh, këto informata shumë shpejtë,janë harruar e shpërfillur, në radhë të parë nga ata që është dashur të hulumtojnë dhe ti zbardhin në detaje, por, jemi dëshmitar, kur njëri skandal ka mbuluar tjetrin, dhe kështu, është vazhduar deri më tani, në pafundësi.
Kështu, në të gjitha Qeveritë e deritashme,dikush më shumë e dikush më pakë, dhe pothuaj, nga gjithë Kryeministrat, pastaj, zëvendëskryeministrat, shumë ministra e disa presidentë, shumë prokurorë e kryeprokurorët, fatkeqësisht, edhe ata ndërkombëtarë,një kohe disa të Unmikut,pastaj Guarda de Financa, e tani edhe të Eulexit, pos premtimeve, dhe herë herë, ndonjë aksioni spektakular, sa për show mediatik, rezultatet dhe pengimi i këtyre fenomeneve, kurrsesi dhe asesesi nuk ka rezultuar me ndonjë sukses, apo nuk ka shënuara ramje, e të mos flasim për minimizim (për çdo vit në rangë listë më të fuqishëm).
Keqbërës, falsifikatorë, njerëz të pangopur të pushtetit e të klaneve të nëntokës, ata që gjithnjë janë thirrur në emër te shtetit e Kosovës, disa prej të cilëve kur dalin para mediave, e kanë gojën plot demokraci e shtet ligjor e funksional,shumë herë identifikohen në emër të luftës e UÇK-së, familjeve të dëshmorëve e sakrificës, janë pikërisht, ata që me paranë publike të grumbulluar nga tatimpaguesit e mjerë kosovarë, (shumica prej të cilëve, jetojnë dhe mbijetojnë, në pikën më kritike të ekzistencës), veprojnë dhe sillen, sikur ato para, të ishin të ndonjë shteti armik, apo të fituara në ndonjë llotari ndërkombëtare!
Vlen të ceket, se pos këtyre vendorëve, që Kosovën po shihet se e kanë ba “rryp daulli”, edhe një pjesë e ndërkombëtarëve, janë ata, që falë terenit në të cilin kanë ardhur dhe kanë vepruar e po veprojnë, qoftë në emër të krijimit të rendit e ligjit,por edhe disa tjerë, kinse, në rolin e ndihmës dhe konsulencës në aspektin e zhvillimit ekonomik të Kosovës, që përkon dhe ka lidhje, me donacione dhe kredi e ndihma tjera në emër të Kosovës, të shumtën e rasteve me shifra milionëshe, sa i përket, asaj që kanë përzgjedhur nga “menya” e kosovarëve, përcaktimi, është i njëjtë, edhe për disa, nga këta ndërkombëtarë, të cilët, nuk janë treguar “imun”, sepse si duket kjo “gjellë” është shumë e “shijshme” edhe për ta, e që më së miri,dëshmohet me faktin,që sipas disa shënimeve jozyrtare, flitet se në Kosovë, brenda kësaj periudhe kohore të pasluftës, në forma të ndryshme, janë orientuar dhe destinuar mjete, në vlerë prej mbi 3o miliardë dollarësh, (një zyrtar i Odës ekonomike përmend shifrën prej 34 miliardë) e që sikur të ishin menaxhuar e orientuar me korrektësi, Kosova nuk do të krahasohej me Slloveninë apo shtetet nordike, por me shtete tjera të rajonit po se po, sa i përket zhvillimit të gjithëmbarshëm.
Lufta kundër këtyre fenomeneve, që janë e keqja më e madhe e këtij vendi, është banalizuar skajshmërisht me deklarata nga gjithë ata që ishin dhe janë për momentin në pushtet e institucione tjera, dhe atë duke formuar e inauguruar në mënyrë pompoze, Task Forca e ekipe ministrore e ndërministrore në emër të luftimit të këtyre dukurive, disa të përziera edhe me “ekspertë” ndërkombëtarë, herë herë me iniciativë të Kryeministrave, së fundmi edhe nga Presidentja, e që sipas tyre, me të vetmin qëllim dhe destinim, të luftohen dhe pengohen këto dukuri,por e keqja më e madhe është, se shumica prej tyre në këto ekipe, janë pikërisht njerëzit më të përfolur për këto afera!
Në një të pame,në Gjilan,apo kryeshënoshë si quhet në disa lokalitete të Kosovës,para disa ditësh, një pensionist (ish mësues), ku si në gjithë Kosovën politika, fatkeqësisht, është temë e padiskutueshme
edhe në këso ceremoni, dha një propozim sa sfidues, por ndoshta për dikend paksa edhe komik, e që për Kosovën e ”eksperimenteve” dhe të vakive, nuk është edhe për tu habitur e çuditur, kur kemi provua gjithçka, dhe po pranojmë gjithçka,pse të mos aplikohet dhe të provohet, dhe (ndoshta) ky propozim, me shprese se do të ipte rezultate(shpresa vdes e fundit).
Ky pensionist, propozoi,që në radhë të parë ,njerëz nga kabineti qeveritar, por edhe të institucioneve tjera, urgjentisht, të prezentonin para opinionit, cmimin apo ofertën e tyre, se sa ata kushtojnë,me qëllim që ato oferta të negociohen dhe aprovohen, por me të vetmin kusht dhe garancë-pos këtij cmimi dhe kësaj shume, të mos vjedhin dhe keqpërdorin shuma tjara.
“Na rropën e na tranuen. Nuk ka kush i ndal këta hajna. Të gjithë ishin të njejtë. Nuk po dinë me u ngie. Nuk po dijnë kur është boll. Janë të pa shpirt e katila. S\'ka asgjë prej antikorrupsioni. Nuk kanë me ia pa hajrin…” tha pensionisti i nervozuar,por shumë i bindun dhe i vendosur, që do të paguaj një shumë bukur të madhe,që do ta kërkonte nga dy djemtë që i ka në Angli, po qese, ata që janë dhe vijnë në pushtet, definitivisht, caktojnë çmimin, sado i lartë coftë ai, por me të vetmin kusht dhe garancë, që të mos vjedhin më popullin dhe këtë Kosovë të mjerë, që po vuan nga këta njerëz, për të cilët, paraja është mbi të gjitha,tha pos tjerash pensionisti, për të cilin, një shokë, kur dolëm nga kjo shtëpi, më tha se ai, gjatë pushtetit absolut serb, kishte lëshuar shtëpinë e tij shkollë ,por edhe shquhej për korrektësi.
Propozim i qëlluar dhe interesant, por sa për satisfakcion, është mirë t\'i qitet edhe fusnota, me shpresë, se ndërkohë ndoshta gjërat do të ndryshojnë.
Pra, tregoni çmimin - Sa kushtoni o njerëz
