Shkruar nga Lavdim Klinaku

Nëse Universitet i Prishtinës nuk ka  vepruar asnjëherë në formën e duhur, këtu përjashtohet veprimi i tij (Universitetit ) për t`futur si lëndë  obligative “Kulturën e Gjuhës” në të gjitha fakultetet, e për të cilën gjë,  ish Rektori  Rugova duhet të përgëzohet , padyshim!

Realisht një gjë e tillë për njerëz që vijojnë fakultete nuk do të ishte e nevojshme, për  faktin se është jashtëzakonisht  e mjaftueshme për dymbëdhjetë vite shkollim të nivelit fillor dhe të mesëm, që të përvetësohet një gjë e tillë . Por, duke parë nivelin e shkollimit, dhe kriteriumin  e të  gjitha niveleve, perfundimisht është një gjë për të cilën duhet lavdëruar  ish Rektorin!

Mësimet e bëra nga cilado lëmi, nga cilido libër : Fizikë , Kimi , Biologji , Edukata fizike, e të gjitha të  tjerat, nepër  fakultete, e shkolla të çfarëdo niveli ; ato( librat) janë të lekturuara nga dikush ,  dhe si të tilla ato nuk guxojnë  të kenë gabime në të shkruar.  Dhe, si rezultat i saj do të duhej qe jo vetëm ata që shkruajnë, por edhe ata që lexojnë ta përvetesonin kulturën e shkrimit dhe të gjuhës, ndonëse jo 100 % (përqind). Por, këtu lind pyetja: A mos vallë këta njerëz kanë përfunduar shkollimin pa lexuar fare?

Duke parë nivelin e tyre në  të shkruarit e bastarduar (mjerisht), duke bërë  kështu një  shkarravitje  ekstreme  t`gjuhës , që shpesh herë nuk është e kuptueshme se cilës gjuhë realisht i takon ajo që ne po shohim; kudo, në rrugë, në restorane, hotele, lokale afariste, n`komuna, në Qeveri,  në media   etj etj.

Paramendojeni  në epiqendër  të Prishtinës, shenohet në këtë mënyrë  ,rruga “ Eqrem Qabej “.           I njëjti gabim përseritet në Vushtrri , tek ajo qe quhet “Portal Informativ  i Komunes”  përmes  rrjetit social “Facebook” , me rastin e përurimit të Gjimnazit me  po të njëjtin emër.

Madje, tmerri i tmerreve është, kur kjo vije nga mësimdhënësit ,e  të gjitha niveleve ( duke mos perjashtuar nga kjo  listë edhe një pjesë shumë te madhe të atyre  në nivelin universitar ) dhe nga mediat që janë pasqyrë për opinonin . Atëhere shtrohet pyetja:  ç`presim ne në te vërtetë???  Cilat janë synimet tona,  kur nuk dijmë te shkruajmë  si duhet???


Para pak kohe, mua me rastisi të shihja një librezë nxënësi , në të cilën, atij,  per suksesin me notën  katër (4) , i ishte shkruar “Shumir” (paramendojeni) dhe jo vetëm në një vend, ku do të mund te vlerësohej si gabim nga lodhja e tepërt, por ,kur unë hap me tutje, e shoh se në te gjitha vendet është njësoj , dhe që më dha  të kuptoja se nuk ka qenë ndikimi i lodhjës...por eshte në pyetje diçka tjetër! 

Aq rëndë e përjetova këtë, saqë gjatë bisedave me miq, si per ironi,  permenda njerëzit me autoritarë  të paradokohshëm që do të bëheshin nxënësit me notën  katër (4), vetëm  duke e zëvendësuar shkronjën ”I” me shkronjën  “A”, është e kuptueshme besoj . Dhe unë, duke e parë si jo etike te njollosja “autoritetin“ e tij/saj , e mbaja në mënyrë anonime emrin për të cilin realisht flisja, rastet e tilla  nuk janë të pakëta , fatëkeqësisht!

Gabimet më të shpeshta që hasim ne në mediat tona janë: mospërshtatshmëria e mbiemrit me emrin , kryesisht në numër ,e raste  më të rralla janë edhe ato në gjini , disa raste  që më kanë rënë në sy kohëve të fundit janë: lojtarët fundor , shfrytëzuesve shtëpiak, faktorët politik etj , Pra, është dashur që të shënohen drejt: punëtorët arsimorë, shfrytëzuesve shtëpiakë, faktorët  politikë,  duke ia shtuar mbiemrit shkronjën “ë” për t`i dhënë trajtën e shumësit , ashtu siç është edhe emri në rastin konkret.

Përdorimi i emrave të përgjithshëm, i titujve,gradave shkencore me shkronjë të madhe

E çka është më e rëndë , kur përdoren  emrat e huaj  në trajtën e pashquar , po i sjell disa shembuj për ta ilustruar në mënyrë më të detajuar :

1.Qeveria e Kosovës përshëndet deklaratën e Bush dhe Merkel. 2. Nuk u pendova që zgjodha Liverpul. 3. Emisioni u mundësua nga butik Charli. Pra , është dashur të shkruheshin:  “Qeveria e Kosovës përshëndet deklaratën e Bushit dhe Merkelit”  në rastin tjetër  do të duhej të ishte “nuk u pendova që zgjodha Liverpulin” , dhe në shembullin e fundit “emisioni u mundësua nga butiku Charli”.

Dituria dhe shkenca, thoshte Sami Frashëri , i jep njeriut një armë në dorë, edukata e stërvitë në përdorimin e asaj arme, ndërsa  njeriu që nuk është i zoti të përdorë armën, po t’i jipet në dorë mund të vrasë shokët e vet.

Andaj  mundohuni ... ta përdorni armën si duhet, dhe ta qëlloni cakun, se, po nuk e qëlluat cakun,  rënditen pasojat !!