Xerxë, 31 mars – Në përputhje me përpjekjet për të rritur aftësinë konkurruese të sektorit privat të perimeve në Kosovë, Programi për Ndërmarrje Private të Kosovës i USAID-it organizoi një konferencë me këtë fokus më 31 mars 2010.

Objektivi i Konferencës së para-sezonit të perimeve ishte të trajtonte çështje me rëndësi për këtë sektor.  Folësit kryesorë u përqendruan në atë se si bizneset mund të përgatiten për konkurrencë më të mirë lokale dhe rajonale duke kuptuar kërkesat e tregut për cilësi të produktit dhe të përpunimit pas vjeljes.  Paneli i diskutuesve nga radhët e blerësve të specave përfshinte përfaqësues të kompanive të shitjes së produkteve ushqimore me pakicë dhe përpunuesve të specave nga Kosova dhe Shqipëria.  

“2009 ishte një vit shumë i mirë për prodhuesit e specave me çmime për tregun e freskët deri në 35 centë për kilogram dhe speca për përpunim deri në 22 centë për kilogram.  Edhe pse 2010 nuk jep asnjë garanci për çmime, prodhuesit mund të reduktojnë çmimet i siguruar tregut produkte më cilësi” tha John MacKillop, Drejtor i Konkurrueshmërisë Bujqësore pranë Programit për Ndërmarrje Private të Kosovës.  

Një tjetër objektiv i Konferencës për Fruta dhe Perime ishte promovimi i krijimit të rrjeteve afariste mes pjesëmarrsve të kësaj conference.  Në konferencë morën pjesë mbi 100 partnerë të interesit, që përfaqësonin prodhues dhe përpunues lokalë dhe rajonalë, agjenci qeveritare, akadëmikë, shitës me pakicë dhe shumicë si dhe palë të tjera të interesuara. 

USAID i jep përkrahje të plotë sektorit privat në Kosovë, duke patur si synim rritjen e aftësisë së tij konkurruese në vend dhe në rajon.  Promovimi i eksporteve të Kosovës dhe ndihma teknikë që përfshin teknologjinë e re janë pjesë e përpjekjeve të USAID-it, që implementohen përmes Programit për Ndërmarrje Private të Kosovës. 

Programi për Ndërmarrje Private të Kosovës i USAID-it është një nismë katër vjeçare që ka nisur në tetor 2008 dhe synon të stimulojë aftësinë konkurruese të sektorit privat në ekonominë e Kosovës. Programi siguron ndihmë teknike për sektorë të përzgjedhur, përmes granteve dhe konsulencës, mbështet përpjekje për reformism të mjedisit nxitës për biznesin, fuqizon zhvillimin e fuqisë punëtore dhe trajnimet si dhe fuqizon shërbimet e biznesit dhe shoqatat.