Sofie, 28 tetor - Vitet e fundit Bullgaria kaloi përpara Francës në prodhimin e livandës dhe aktualisht është prodhuesja më e madhe e vajit të livandës në botë.

Bullgaria eksporton mbi 80 për qind të prodhimit.

Lulet e bimës së livandës eksportohen në Gjermani, Austri, Zvicër, SHBA dhe Japoni. 2-3 vitet e fundit interesi për livandën u shtua sepse çmimi i vajit të nxjerrë nga bima u rrit dhe reciprokisht u rrit edhe çmimi i lules së livandës.

Sivjet një kilogram vaj esencial livande shitet për 70-80 euro, kurse një kilogram vaj biologjik livande kushton 90-100 euro. Rajonet më të favorshme për rritjen e livandës në Bullgari janë ato malore – Sredna gora dhe Stara planina.