Prishtinë, 13 shtator - Drejtoria për Shëndetësi dhe Mirëqenie Sociale e Komunës së Prishtinës edhe sot vazhdon me fazën e V - të të dezinsektimit  hapësinor të Komunës së Prishtinës, njëkohësisht edhe me fazën e fundit për vitin 2015.

Edhe në këtë fazë do të dezinsektohen mbi 6000 hektarë, duke përfshirë edhe zona rurale ku ka potencial të lartë të zhvillimit të këtyre insekteve, si dhe  të përdoren preparatet e sigurta që janë të regjistruara për përdorim në vendet e Bashkimit Evropian dhe në SHBA.

Dezinsektimi do të bëhet çdo ditë duke filluar nga ora 19:30 deri në orën 24:00, sipas datave të mëposhtme nëpër lagjet e caktuara: 

13.09.2015      Arbëria, Tophanja, Kodra e Trimave, Vreshtat dhe Kolovica;

14.09.2015      Lakrishte, Dardani, Ulpianë ,Vetërnik, Zona Industriale  dhe kazerma  “Adem  Jasharit”;

15.09.2015      Bregu i Diellit, Lagjja e Spitalit dhe Kalabria;

16.09.2015      Taslixhe, Velania, Mati, Sofalia, Taukbashcja dhe Gërmia;

17.09.2015      Bërnicë, Besi, Barilevë, Hajval, Mramur.

Luten të gjithë qytetarët për bashkëpunim në mënyrë që ky aktivitet të jetë sa më i suksesshëm.

Gjatë kohës së dezinsektimit, qytetarët duhet t’i mbajnë dritaret e mbyllura që insektet mos të futen brenda, si dhe t’i kufizojnë daljet nëpër hapësirat ku është duke u kryer dezinsektimi së paku për një orë.

Gjithashtu apelohet te Shoqatat e Bletarëve, për kujdes të shtuar gjatë kësaj periudhe.

Projekti i dezinsektimit hapësinor është me rëndësi të veçantë në ruajtjen dhe përparimin e shëndetit publik.