Prishtinë, 22 mars - Kryeministri i Kosovës, Hashim Thaçi, ka deklaruar se gjashtë vite Kosova të shumëfishojë sipërfaqjen e vreshtave e të eksportojë rreth 30 milionë litra verë në mbi 24 shtete.

"Këtë ditë të bukur pranvere e kalova mes bujqëve të Rahovecit duke shëtitur nëpër vreshtat e tyre të begata. Provova të përfitoj prej ekspertizës dhe përvojës së tyre për të mësuar se si bëhet krasitja e hardhive. Puna e tyre e palodhur si dhe tradita e tyre e pasur, kombinuar me grantet dhe subvencionet e vazhdueshme të qeverisë, kanë bërë që këto gjashtë vite Kosova të shumëfishojë sipërfaqjen e vreshtave e të eksportojë rreth 30 milionë litra verë në mbi 24 shtete", ka shkruar Thaçi në facebook.