Skandaloze, 10 mijë tonë grurë pa TVSH
\"Dogana ka pranuar se janë futur diku rreth dhjetë mijë tonë grurë për ushqimin e kafshëve, ndërkohë përfaqësuesit e AVUK –ut kanë thënë se ata asnjëherë nuk kanë hasur grurë, që ka hyrë për ushqim të kafshëve dhe se nuk kanë lëshuar certifikata fitosanitare për grurë për kafshët”, thotë Salihu
Makinacionet e ndryshme të përdorura nga doganat, por edhe nga Agjencia Veterinare dhe e Ushqimit, kanë favorizuar njëanshëm dhe kundërligjshëm kompaninë ‘M Sillosi’.
Kjo gjë duket se ka ndodhur prej të paktën një viti e gjysmë, kohë kur ‘M Sillos’ –i është blerë nga ‘Devolli Corporation’.
Sipas anëtarëve të Komisionit parlamentar për Bujqësinë, si Doganat, ashtu edhe AVUK –u janë pjesë përbërëse e skandalit të grurit të kafshëve të blerë nga ‘M Sillosi” në rezervat shtetërore të Serbisë e që ka përfunduar si miell në tavolinat e qytetarëve të Kosovës, por edhe atyre të Shqipërisë.
/Kosova Sot/
