Prishtinë, 25 korrik - Një delegacion i Shërbimit Veterinar të Qipros Veriore, i kryesuar nga drejtori i këtij autoriteti Dr. Huseyin Ataben viziton sot Agjencinë e Ushqimit dhe Veterinarisë (AUV).

Pritja e delegacionit do të bëhet  në objektin e AUV-së nga Kryeshefi Ekzekutiv, Dr. Valdet Gjinovci.

Ata do të zhvillojnë një vizitë studimore për t’u njohur me praktikat e mira të vendit tonë rreth sistemit të Identifikimit dhe Regjistrimit të Kafshëve.