Moskë, 9 qershor - Rusia do ta ruajë ndalesën e importit të perimeve nga Bashkimi Evropian derisa BE-ja nuk i siguron të gjitha informacionet e nevojshme për prejardhjen dhe përhapjen e llojit krejtësisht virtual të bakterit E.Koli, nga i cili tashmë ndërruan jetën 20 njerëz nga Evropa.

Rusia të enjten e pezulloi tërë importin e perimeve dhe pemëve nga BE-ja, hap ky që nxiti kritika nga BE-ja se Rusia sillet në kundërshtim me rregullat e Organizatës Botërore të Tregtisë. Rusia, nga ana tjetër, akuzoi Brukselin për mungesën e informacioneve të mjaftueshme për prejardhjen e bakterit.

“Deri në këtë moment BE-ja nuk e qartësoi burimin e infeksionit, por informacionet barazohen me një statistikë të pastër për sëmundjen”, shprehet i dërguari i posaçëm i Rusisë në BE, Vlladimir Çizhov.