Prishtinë, 5 nëntor - Ministri i Mjedisit dhe Planifikimit Hapësinor, Dardan Gashi dhe Kryetari i Komunës së Pejës, Ali Berisha, janë marrë vesh për financimin e projektit “Rregullimi i shtratit të lumit Bistrica” gjatë vitit 2013 dhe 2014.

Projekti në fjalë ka për qëllim përmirësimin e gjendjes mjedisore, e në veçanti pastrimin dhe rregullimin e lumit. Sipas memorandumit të nënshkruar ndërmjet Ministrit Gashi dhe Kryetarit Berisha, faza e parë e projektit do të kushtojë 500.000 euro, nga të cilat 150.000 do të sigurohen nga MMPH për vitin 2013 dhe 150.000 të tjera gjatë vitit 2014.