Prishtinë, 11 shkurt - Ministri i Mjedisit dhe Planifikimit Hapësinor, Dardan Gashi, sot nxorri vendimin për themelimin e Drejtorive për Administrimin e Parqeve Kombëtare “Bjeshkët e Nemuna” dhe “Sharri”.

Për zbatimin e këtij vendimi, përgjegjëse është Agjencia për Mbrojtjen e Mjedisit të Kosovës (AMMK). Kjo agjenci gjithashtu ka arritur dhe ka nënshkruar marrëveshjen me Policinë e Kosovës, prandaj që sot e tutje pjesëtarët e PK do t’i ruajnë parqet kombëtare.

Drejtoria për Administrimin e Parkut Kombëtar “Bjeshkët e Nemuna” do ta ketë selinë në Prizren, ndërkaq ajo e PK “Sharri”, në Prizren.

Të dyja këto drejtori ushtrojnë veprimtarinë e tyre në pajtim me ligjet në fuqi në Republikën e Kosovës, Ligjin për Parkun Kombëtar “Bjeshkët e Nemuna”, Ligjin për Parkun Kombëtar “Sharri” dhe Ligjin për Mbrojtjen e Natyrës.