Antalya, 21 tetor - Në kuadër të Expo Antalya 2016, në Antalya të Turqisë sot organizohet “Dita Kombëtare e Republikës së Kosovës”.

Shënimi i kësaj ngjarjeje është organizuar nga Ministria e Bujqësisë, Pylltarisë dhe Zhvillimit Rural, ndërsa është përkrahur nga Oda Tregtare Kosovaro-Turke.

EXPO 2016 Antalya, është panairi i parë ndërkombëtar që Turqia mirëpret pas një pune dhe mundi katërvjeçar.

Filozofia e panairit është “Një Botë të Gjelbër për Brezat e Ardhshëm\", kurse motoja është “Të lulëzojmë të ardhmen\".

Panairi Ndërkombëtar Botanik EXPO pranohet si organizimi më i madh pas Lojërave Olimpike dhe Kupës Botërore.