Prishtinë, 14 nëntor - Ministri i Bujqësisë, Blerand Stavileci, me ftesë të ministrit të Bujqësisë, Pylltarisë dhe Menaxhimit të Ujrave të Serbisë, Dragan Glamoćić, nesër do të marrë pjesë në takimin e shtatë vjetor të Grupit Drejtues të Punës për Zhvillimin Rural Rajonal në Evropën Juglindore, i cili po mbahet në Kopaonik të Serbisë.

Kryesuese e këtij grupi në këtë vit është Ministria e Bujqësisë e Republikës së Kosovës, ndërsa nesër ministri Stavileci do t’ia dorëzojë kryesimin e grupit rajonal për vitin 2014, ministrit të Bujqësisë së Serbisë, Dragan Glamoćić.

Shtetet e Evropës Juglindore, përmes këtij grupi ndërshtetëror, po e forcojnë bashkëpunimin  në fushën e bujqësisë dhe zhvillimit rural dhe njëkohësisht po i përafrojnë reformat rreth Politikës së Përbashkët Bujqësore, për t’i përshpejtuar proceset integruese në BE.