Paris, 22 qershor - Ministrat e bujqësisë të 20 vendeve me ekonomi të zhvilluar apo në zhvillim e sipër, kanë filluar një takim dy ditor në Paris, për të diskutuar për mënyrat se si mund të frenohet paqëndrueshmëria e çmimeve të ushqimit.

Franca, e cila po kryeson G20-ën këtë vit, po bën trysni për më shumë rregulla për tregun e mallrave. Presidenti francez, Nikolas Sarkozi,  ka fajësuar spekulantët për inflacionin e çmimeve.

Çmimet e ushqimeve bazike janë gjithashtu duke e rënduar urinë, ndërsa në botë ekzistojnë një nga shtatë persona, apo 925 milion në tërësi, që janë të uritur, të dhëna këto të organizatës Oxfam.