Prishtinë, 26 nëntor - Në Ministrinë e Tregtisë dhe Industrisë (MTI)  u mbajt takimi i katërt i Nëngrupit Punues për Bujqësi, i themeluar në kuadër të Politikës Tregtare  dhe i përberë nga përfaqësues të institucioneve të Qeverisë së Kosovës, komunitetit të biznesit, shoqatave të biznesit dhe të donatorëve.

Takimi është organizuar nga Departamenti i Tregtisë në MTI dhe qëllimi i takimit ishte që të adresohen shqetësimet apo problemet e  ngritura nga bizneset, qofshin probleme teknike, legjislative apo edhe administrative.

Për këtë arsye edhe bashkëkryesimi i këtij nëngrupi bëhet nga një përfaqësues i biznesit dhe nga një përfaqësues i institucioneve publike.

Në  takim u ngritën dhe u diskutuan çështjet e parapara në agjendë. Si raportimi lidhur rreth vonesave për marrjen e certifikatave sanitare për eksport gjatë ditëve të vikendit. Lidhur me këtë  është ofruar një orar prej 08:00-16:00 gjatë ditës së shtune.

Gjithashtu, lidhur me  importimin e koncentratit nga Serbia,  me ç’rast kërkohet të vendoset TVSH-ja për koncentratin e importuar. Çështje tjetër është  edhe regjistrimi, certifikimi dhe licencimi i aktiviteteve bujqësore. Për dy te fundit, është mbetur që të adresohen deri në takimin e ardhshëm.

Në vazhdim është diskutuar me përfaqësuesit bizneseve lidhur me vonesat e certifikatave për autorizim të produkteve për mbrojtjen e bimëve (insekticideve me standarde evropiane).

Për këtë mbetet që  Departamenti i Tregtisë në bashkëpunim me bashkëkryesuesit e këtij nëngrupi  (përfaqësuesin e Ministrisë së Bujqësisë dhe përfaqësuesin e bizneseve) të gjejnë sa më shpejt një zgjidhje adekuate.

Ne fund të takimit janë prezantuar të arriturat e Departamentit të Tregtisë, si dokumenti i vlerësimit të ndikimit makroekonomik të marrëveshjeve tregtare me BE-në dhe Turqinë, si  dhe baza e të dhënave për shërbime, bazuar ne listën e Organizatës Botërore të Tregtisë për shërbime (120 OBT).