Paris, 28 shkurt - Shkencëtarët francezë po paralajmërojnë se lumenjtë në Europë po bëhen një burim alarmues i plastikës që ndot oqeanet.

Ata e thanë këtë pas një turi në nëntë lumenj europianë përfshirë Tamiz, Sena dhe Elba.

Shkencëtarët kanë zbuluar që mostrat e grumbullura nga lumenjtë treguan praninë e mikro plastikës e cila është shumë e vogël për t'u kapur.

Plastika shkakton ndotje duke lëshuar përbërës dhe nga depozitimi i ndotësve.

Jean-Francois Ghiglione është drejtuesi i kërkimit në mikrobiologjinë oqeanografike në Qendrën Kombëtare të Kërkimeve Shkencore në Francë.

Ai tha se studimi i tyre do të vijojë më tej nëse gjendja është e njëjtë në lumenj të ndryshëm.

"Një nga zbulimet tona kryesore është se ne gjetëm plastikë kudo, në të gjithë lumenjtë. E prisnim diçka të tillë, por ajo që po përpiqemi të shohim - dhe rezultatet e ardhshme do e tregojnë këtë- është nëse përqendrimi i plastikës do të jetë njëjtë midis Tamizit dhe Senës dhe midis vendeve të ndryshme. Ne do të studiojmë përbërjen e tyre, duam të kuptojmë burimin e ndotjes".

Shkencëtarët do të qëndrojnë në Paris për më shumë se një muaj për të rritur ndërgjegjësimin në lidhje me emergjencën për të vepruar kundër ndotjes së oqeaneve nga plastika.