Prishtinë, 28 maj - Kryeministri i Republikës së Kosovës Hashim Thaçi, ka deklaruar se Kosova ka eksportuar mbi 30 milionë litra verë dhe ka importuar veç 3 milionë litra verë.

“Fare në fund, mbrëmjen e sotme e kalova me vreshtarët dhe bujqit e Rahovecit të cilët me punën e tyre na bëjnë të gjithë krenarë. Gjatë qeverisjes sime, vendi ynë ka eksportuar mbi 30 milionë litra verë dhe ka importuar veç 3 milionë litra."

"I kemi bërë subvencionet 1000 euro për hektar të vreshtarëve, tani do t'i investojmë edhe 500 milionë euro tjera me Fondin e Punësimit vetëm në bujqësi duke krijuar 50,000 vende të reja të punës në bujqësi. Atmosfera ishte impresive, Misioni i Ri gjen "tokë pjellore" tek rahovecasit”, ka shkruar Thaçi në rrjetin social Facebook.