Prishtinë, 9 maj - Kosova u anëtarsua në Organizatën Botërore të Lavërtarëve (World Ploughing Organization).

Në takimin e bordit drejtues, që është mbajtur sot në Vadstena të Suedisë është miratuar kërkesa e Kosovës për t’u bërë anëtare me të drejta të plota në këtë organizatë.

Në këtë takim, Kosova u përfaqësua nga ushtruesi i detyrës së Sekretarit të Përgjithshëm të MBPZHR-së, Kapllan Halimi.

Organizata Botërore e Lavërtarëve ka gjithsej 32 anëtarë dhe disa nga shtetet anëtare janë edhe Shtetet e Bashkuara të Amerikës, Sllovenia, Kroacia, Maqedonia, Serbia, etj.