Mitrovicë, 16 mars - Në vazhdën e masave parandaluese ndaj përhapjes së virusit COVID 19, dhe pas disa ankesave të qytetarëve, Komuna e Mitrovicës sot ka udhëzuar inspektorët komunal që të kërkojnë nga të gjithë furrtarët në Mitrovicë që shitja e bukës të bëhet konform normave higjienike, respektivisht që çdo bukë të jetë paraprakisht e ambalazhuar me letër apo qese.

Komuna e Mitrovicës bënë thirrje që të respektohen vendimet dhe masat e ndërmarra nga Komuna dhe Qeveria për parandalimin e virusit COVID-19, me qëllim të mbrojtjes së shëndetit të qytetarëve.