Prishtinë, 23 korrik - Sot në sheshin “Nëna Terezë” në Prishtinë është hapur panairi i manaferrës ”Manaferra 2012”, në të cilin po marrin pjesë rreth 10 kultivues nga zona të ndryshme të Kosovës, të cilët gjatë ditëve të ardhshme do të vizitohen edhe nga ministri i MBPZHR-së, Blerand Stavileci.

Ky panair, i cili këtë vit po mbahet për herë të parë, organizohet nga MBPZHR-ja, USAID/NOA, IADK-ja dhe HPK “Riinvest”dhe qëllimi i tij është promovimi i manaferrës vendore përmes shitjes së drejtpërdrejtë në sheshin “Nëna Terezë”.

Panairi,  do të jetë i hapur deri më 27 korrik dhe të gjithë kultivuesit e manaferrës do të ofrojnë frutat e tyre.

Ky organizim është vazhdimësi e angazhimeve të MBPZHR-së në kuadër të fushatës “Për sofrën tonë”, e cila ka për qëllim ka përkrahjen e prodhuesve dhe përpunuesve vendorë.