Prishtinë, 16 gusht - Ministria e Financave ka njoftuar se sot do të mbahet ceremonia e nënshkrimit të Marrëveshjes Grant “Shërbime Financiare për Krijimin e Vendeve të Punës në Sektorin e Bujqësisë, Fondi për Garantimin e Kredive III” në vlerë 6.5 milionë euro. 

Marrëveshja do të nënshkruhet nga ministri i Financave Bedri Hamza dhe ambasadori gjerman në Kosovë Christian Heldt. 

Pas nënshkrimit të Marrëveshjes do të ketë edhe prononcim për Media.
 
Ceremonia e nënshkrimit do të mbahet në Ministrinë e Financave -  Ndërtesa e  Qeverisë së Republikës së Kosovës.