Pekin, 21 shtator - Azia është bërë tregu kryesor i produkteve europiane dhe amerikane të pylltarisë, thotë një raport i përbashkët i Komisionit Ekonomik për Europën i OKB-së dhe FAO-s, duke theksuar se Kina është importuesi më i madh.

Raporti thekson se kriza ekonomike gjatë vitit 2011 ka shkaktuar vështirësi tek vendet anëtare të këtyre organizatave.

Sipas të dhënave të raportit, në vitin 2009, Kina është bërë vendi më i madh i importimit të produkteve të pylltarisë nga vendet anëtare të Komisionit Ekonomik për Europën dhe në vitin 2011, këto vende kanë shtuar me 28 për qind eksportin e lëndës drusore në Kinë, në krahasim me vitin 2010.