Beograd, 17 mars - Rezultatet paraprake në zgjedhjet e parakohshme në Serbi tregojnë se Alksandër Vuçiç ka marrë rreth 49 % të votave, duke kryesuar kështu mbi kandidatët e tjerë.

Kjo është përqindja më e lartë e votave të fituara nga një parti ose koalicion që prej fillimit të zgjedhjeve shumëpartiake në Serbi.

Sipas rezultateve, tre parti të pakicave kombëtare siguruan të drejtën për të hyrë në parlament, duke përfshirë edhe Partinë për Veprim Demokratik të shqiptarëve.

Po kështu, në Preshevë, kandidati shqiptar, Riza Halimi ka siguruar pothuajse një vend në parlamentin serb. Procesi i votimit u mbyll në orën 20:00, sipas orës lokale.

Sipas të dhënave, këto zgjedhje rezultojnë me pjesëmarrjen më të ulët në historinë e Serbisë. Në zgjedhje kanë marrë pjesë 19 parti dhe koalicione, të cilat kanë garuar për 250 vendet e parlamentit.

Përgjithësisht situata ka qenë e qetë, ndër më shumë parregullsi janë hasur në Vojvodinë dhe në Zemun. ipas analistëve pjesëmarrja në votime ka qenë e ulët krahasuar me zgjedhjet e 2012-ës.

Sondazhet para zgjedhore kanë treguar se partia e Aleksandër Vuçiç është prioritare për të qenë fituese, me plotë  44 % të votave.