Prishtinë, 1 korrik - Zvicra ka tërhequr zëvendësambasadorin e saj nga Kosova, i cili muaj më parë u akuzua për vjedhje në një qendër stërvitjeje në Prishtinë.

Ministria e Jashtme zvicerane ndërmori vendimin për shkarkimin e diplomatit të saj, për shkak të rrënimit të imazhit të diplomacisë zvicerane.

Portali zviceran 20.min.ch e ka quajtur rastin skandaloz, duke theksuar se për 30 euro diplomati rrënoi imazhin e diplomacisë.

Zëvendësambasadori zviceran u xhirua duke vjedhur proteinë që kishin një vlerë prej 30 eurove në një palestër sportive në Prishtinë.

Rasti u zbulua nga kamerat e sigurisë së palestrës, ndërsa skandali u zbardh në Klan Kosova, duke tronditur diplomacinë zvicerane.