Berlin, 25 gusht - Ministri i Jashtëm gjerman Guido Westerwelle fillon këtë të mërkurë udhëtimin e tij të parë më të gjatë në vendet e Ballkanit.

Stacioni i parë i këtij udhëtimi do të jetë Kroacia, e cila është edhe kandidati kryesor nga vendet e rajonit për anëtarësim në Bashkimin Evropian.

Deri të premten, ministri i Jashtëm Westerwelle do të vizitojë edhe Serbinë, Bosnjë-Hercegovinën dhe Kosovën, ku do të vizitojë edhe kontigjentin gjerman të trupave të KFOR-it.