Prishtinë, 24 shtator - Këshilli Amerikan për Arsim Ndërkombëtar ka bërë të ditur se Gjenerali Wesley Clark do të jetë mysafir nderi në gala mbrëmjen e organizuar nga Fondi Kosovaro-Amerikan për edukim që do të mbahet me 18 tetor, në Hotelin Emerald në Prishtinë.

Gjenerali Clark është i njohur tek populli i Kosovës për rolin e rëndësishëm në lidershipin e tij për sjelljen e paqes në rajon, kur ai udhëhoqi Operacionin e Forcave të Bashkuara gjatë luftës në Kosovë, si Komandant Suprem i Forcave Aleate për Evropë i NATO-s prej vitit 1977 deri më 2000.

Gjenerali Clark tha, “Roli që ka arsimi në zhvillimin e një kombi është i një rëndësie tejet të madhe. Fakti që Fondi Kosovaro-Amerikan për Edukim ofron bursa për programe të nivelit master në disa prej univerziteteve më të njohura në Amerikë është një rrugë e rëndësishme drejt këtij qëllimi”.

Miriam Parel, udhëheqëse për strategji dhe zhvillim pranë Këshillit Amerikan në Washington DC, ka cekur që edhe tetë studentë tjerë nga Kosova kanë ardhur në SHBA muajin e kaluar për t’i vazhduar studimet e tyre për nivelin master. Znj. Parel shtoi, “Ne jemi të kënaqur që kemi pasur mundësinë që nga viti 2005 t’u ofrojmë 59 bursa studentëve të talentuar nga Kosova”.

Biletat për këtë Gala mbrëmje mund të blehen në zyren e Këshillit Amerikan për Arsim Ndërkombëtar, Rr. Fehmi Agani, Nr. 46/3, 10000 Prishtinë, Kosovë, për €60 paraprakisht dhe €80 tek hyrja.  Fondi Kosovaro-Amerikan për Edukim do jetë përfitues i të hollave të shitura nga biletat e kësaj Gala mbrëmje. Për informata shtesë rreth biletave, ju lutem thirrni zyren në Prishtinë: +038 226 255, ose na shkruani në: [email protected].