Brukel, 5 qershor - Bashkimi Evropian ka humbur shansin për ta ndrequr EULEX-in në vitin 2014, por ka dështuar ta bëjë këtë. Kështu ka thënë analisti politik pranë Këshillit Politik të Demokratizimit, Bodo Weber.

Në intervistën dhënë “Kohës Ditore”, Weber ka potencuar se Brukseli i dha një transicion të rremë dhe mandat të thyer EULEX-it, pas vitit 2014 duke ndikuar që ky mision të përmbushë vetëm pjesërisht mandatin.

“Kjo është arsyeja kryesore për zhgënjimin e qytetarëve të Kosovës në EULEX”, ka thënë gjermani Weber.

“Unë do të thosha se arritjet më të mëdha të këtij misioni janë në fushën e doganave dhe në punët e zakonshme të policisë”, ka thënë Weber.

Para kësaj situate, më e mira që mund të pritet nga vazhdimi i mandatit të misionit, sipas Weberit, është përfundimi i rasteve nga prokurorët dhe gjyqtarët evropianë, si dhe të ndihmohet transicioni i gjyqësorit në veri të Kosovës.

Sa u përket institucioneve vendëse, Weber ka thënë se “definitivsht” ato nuk janë të gatshme t’i marrin të gjitha përgjegjësitë.

/Koha Ditore/