New York, 26 shtator - Në Wall Street, zemrën botërore të tregjeve financiare, është bërë një protestë kundër kapitalizmit.

Me qindra persona fajësuan ambicien e gjigandëve financiarë për krizën ekonomike globale, ndërkohë që policia ka arrestuar 80 demonstrues.

Në Shtetet e Bashkuara të Amerikës me qindra njerëz parakaluan në Wall Street ku fajësuan gjigandët e financave për gjendjen e keqe të ekonomisë.

Protestuesit të cilët thanë se sistemi ekonomik funksionon në interes të të pasurve dhe në disfavor të të varfërve, hodhën slogane kundër institucioneve financiare.

Turma e përbërë më tepër prej studentëve, parakaloi me pankarte kundër kapitalizmit.

Gjatë manifestimit i cili u bë shkak i bllokimit të trafikut për një kohë të gjatë, midis protestuesve dhe policisë pati edhe zënka duke shkaktuar kështu marrjen nën arrest të 80 personave.