Stamboll, 8 mars - Gjatë një tërmeti në lindje të Turqisë, sipas të dhënave të autoriteteve vendore, kanë humbur jetën të paktën 57 njerëz dhe 50 të tjerë janë plagosur. 

Lëkundjet e tokës kanë ndodhur në mëngjes herët me një fuqi prej 6,0 ballë të shkallës Rihter.

Epiqendra e tij ndodhej në afërsi të qytetit Karakoçan në lindje të provincës Elazig. Shtëpi të shumta janë shembur.

Turqia është tronditur shpesh nga tërmetet, sepse aty përplasen me njëra-tjetërn pllakat kontinentale të Afrikës dhe Evropës.

Në vitin 1999, nga dy tërmetet e rënda në veriperëndim të vendit humbën jetën rreth 20.000 njerëz.