Moskë, 28 shkurt - Presidenti rus Vladimir Putin urdhëroi një stërvitje masive ushtarake në mbarë Rusinë, përfshirë edhe zonën kufitare me Ukrainën.

Megjithatë, ministri rus i Mbrojtjes Sergei Shoigu thekson se stërvitja s\'ka lidhje me atë çka po ndodh në Ukrainë.

\"Kreu i Forcave të Armatosura ka urdhëruar rishikimin e aftësisë luftuese dhe operacioneve për zgjidhjen e krizave, e njëkohësisht situatat antiterroriste,\" shtoi ministri.

Por nga ana tjetër, Shoigu thotë se Rusia po \"ndjek me vëmendje gjendjen në Krime\".

Ndërkohë, ministrat e mbrojtjes të NATO-s kanë lëshuar një deklaratë të re mbështetëse mbi \"sovranitetin dhe pavarësinë e Ukrainës.\"

Shtetet e Bashkuara gjithashtu paralajmëruan se çdo ndërhyrje ushtarake në Ukrainë do të marrë një përgjigje të fortë