Bruksel, 9 qershor - Vizita dyditëshe e presidentit të Kosovës në Bruksel, Hashim Thaçi, nuk ka shkuar sipas pritjeve, as të BE-së e as të tij, shkruan sot Koha Ditore.

Në momentin e fundit, sipas burimeve nga BE-ja, është anuluar takimi që Thaçi është dashur ta ketë me presidentin e Këshillit Evropian, Donald Tusk.

Gjatë ditës nuk ka pasur sqarime për këtë anulim dhe as tentime që kjo të arsyetohet kinse me “agjendën e ngjeshur” si ndodh zakonisht.

Fundi i fundit, Tusk të njëjtën ditë ka pasur takim me presidentin e Gjeorgjisë.

Më vonë gjatë mbrëmjes “Kohës Ditore” nga zyrtarë të BE-së i është thënë se “takimi me zotin Thaçi është anuluar për shkak të mungesës së progresit në negociatat për zgjatjen e mandatit të EULEX-it”, shkruan sot më gjerësisht Koha Ditore.